D' Segment ass 130 X 72 cm grouss. E besteet um Niveau 0 aus engem Haaptgleis a 4 Ofstellgleisen. D'Radie sinn 39,5 cm an 43 cm.  D'Gleise gi provisoresch opgeluegt an agezeechent. Mat der Stëchsee gi Rechtecker vun 2,5 X 8 cm fir d'Fleischmann Motoren erausgeschnidden. 6 Leitunge vun 1,5 mm gi mat Brawa Steckerklemmen 3093 an de Segment verluegt. 2 si fir Fuerstroum (14 V DC), 2 fir Schaltstroum (16 V AC)  an 2 Leitunge  mat 14 V DC si fir Geliits an Animatiounsdeeler. Eng wäiss MDF Plack vun 3 mm gëtt fir d'Stellpult agebaut.

Ofschnëtter ouni Stroum gi mat Plastikseclissen (Arnold 1170, Fleischmann 22214) an Eclissen mat ugeléitene Kabelen (Arnold HN8032, Fleischmann 22217) equipéiert. D'Stellpultelementer vu Fleischmann ginn op d'MDF Plack geschrauft. D'Säitendeeler vum Segment gi matt Wäissläim a Serre-Jointen festgemaach. Déi horizontal Läischte ginn eenzel op d'Mooss geseet. Et gi Lächer dra gebuert fir d'Kabelen ze leeën. Duerno ginn d'Läischten mat Schrauwen a Wäissläim agesat. D'Späerholzplack fir deen ieweschren Niveau gëtt geschnidden an opgeluegt.

D'Weich gëtt provisoresch opgeluegt an agezeechent. D'Gleisradie vun engem Meter gi mat enger selwer geschniddener Schabloun agezeechent. D'Späerholzplack gëtt erofgeholl an de Rechteck 2,5 X 8 cm fir de Fleischmann Motor gëtt erausgeseet. D'Kabele ginn an d'Läischten geluegt an d'Lüsterklemmen ginn ugeschrauft. D'Plack vum iewëschten Deel gëtt opgeläimt a geschrauft. D'Gleise gi geluegt a festgemaach. Um Iwwergang vum Segment läit e kuerzt Gleisstéck op enger dënner Plastiksplack  vu Busch.

Dëst muss esou geschottert an dekoréiert ginn, datt et net verklieft an sech beim Trennen vun de Segmenter eraushuele léisst.  Ronderem dat rechteckegt Lach fir de Weichemotor kliewen ech aus Plastiksplacken eng Rumm. Op déi gëtt en Deckel mat klenge Schrauwe festgemaach.Déi am Ufank agebauten Heljan Brauerei N 678 hunn ech 2023 duerch selwer gebaute Gebaier ersat. Fensteren an Diere zesumme mat Placke vu bal alle Marke goufe gebraucht. Lackéiert hunn ech mat Humbrol a Plaka Faarwen.

Eng Rumm vun 3,5 mm Héicht ëmschléisst d'Brauerei. Si soll dat versenkte Gleis am Haff ophuelen. E klengt Verwaltungshaus gouf no Fotoen aus Busch Plastiksplacken, Kibri Schieferplacken an Evergreen Profile gebaut. D'Fënsteren an d'Dire sinn Isoléierbandssträifen, déi op duerchsiichteg Plastiksplacken  gepecht goufen. Am Agank vun der Brauerei gouf eng Paart agebaut. Ech hunn de bewegleche Waasserkran 5832 vu Viessmann benotzt. Dëse gouf zerseet a versenkt agebaut.

Fir en ze steieren hunn ech de Viessmann Powermodul 5215 missen u mäi Fleischmann Trafo 6705 uschléissen. D'Paart gëtt mat Tasteschaltere gesteiert. Parallel dozou schalt e Viessmann Relais 5551 d'Andreaskräizer 5803 fir de Brauereishaff an ënnerbrécht de Fuerstroum wann d'Paart zou ass. Duefir hunn ech nodréiglech missen eng Trennstell mat der Rocossee ariichten. Si gëtt iwwer eng Fleischmann Eclisse mat ugeléitenem Kabel 22217 mat Stroum versuergt. Eent vun den Andreaskräizer hunn ech un engem  Mast aus 2 mm Messeng H Profile festgemaach.

D'Brauereipaart gouf aus Placke vu Busch, Profile vun Evergreen an 0,8 mm Messingstaange gebastelt. De Viessmann Waasserkran 5832 hunn ech ofgeschnidden an e klengt Lach an de Sockel gebuert. D'Paart gouf mat Sekonneläim am Gel agepecht. D'Mauer mat dem Mechanismus vun der Paart ass ënnen huel a gëtt einfach op e Profil opgesat. D'Kibri Mauerplacken 37969 kruten eng Couche Humbrol 67. Duerno goufen eenzel Steng mat Humbrol 27, 64, 31 an 98 ugestrach. Wéi alles dreche war koum waasserléislech gro Plakafaarf 72 drop.

Mat engem fiichten Duch gouf getuppt a geriwwen fir datt déi gro Faarf an de Fouen hänke bleift. Virun d'Brauereipaart hunn ech en ëmgebauten Zwergsignal vu Mafen agebaut. D'Kabelkanäl goufen aus Plastiksplacke gebaut an ugestrach. D'Signal ass mam Relais verbonnen, deen d'Paart, d'Andreaskräizer an de Fuerstroum steiert. Hannen am Brauereishaff koum en Entkuppler bäi. Aus Faller Deeler, Placken a Läischte vu ville Marken gouf en Dieseltank mat Ausfëllstatioun fir en Tankwagon gebaut. D'Luucht ass den M_UN-A00257 an d'Zapsail den MU_N-A00124.

D'Brauerei kritt de Masutt fir ze brauen an den Diesel fir hir Camionen iwwert de Schinnewee geliwwert. Doduerch muss alt neess rangéiert ginn. All d'Brauereigebaier kruten LED Beliichtung agebaut. Baussen, iwwert den Diren, koume Viessmann 6442 Luuchten. Ënnert den Daach vum Luedequai hunn ech eng wäiss LED agebaut. De Kibri Kamäin gouf vun ënnen opgebuert a gefeilt. E Seuthe Dampgenerator hunn ech uewen agebaut an d'Kabelen duerch e Rouer bei 2 Drocktastere geleet. E Kemo Zäitschalter suergt derfir, datt den Apparat sech nët iwwehëtzt.

Den Atelier fir d'Camionen hunn ech aus Plastiksdeeler vu Busch, Evergreen a Kibri gebastelt. D'Ariichtunge si vu Modellbahn Union. D'Pneue si Faller Deeler 975078. De Stull an d'Masuttsiewe si selwer gebastelt. Bannen ass eng wäiss LED agebaut. D'Luucht iwwer der Dir vum Büro ass den N-A00252 Artikel vu Modellbahn Union. D'Gelänner vun der Trap gouf aus 0,3 mm Drot gebéit a mat Sekonneläim am Gel zesummegepecht. D'Lëftungstübe vum Atelier sinn aus engem Rouer an ofgeseete Messingsneel fabrizéiert.

De Fatima Sanctuaire hunn ech mat Hëllef vu Fotoen a mat engem Preiser Männche gebastelt. D'Béi goufen aus enger Holzläischt vu 4 mm gefeilt. D'Fatima selwer ass eng ausgeschnidde Foto, déi op eng gro Plasiksplack gepecht ass. D'Placke si vu Kibri (37971 fir d'Maueren an 37960 fir den Daach) a vu Busch. D'Profile si vun Evergreen an d'Faarwe vun Humbrol. Als Gelänner huelen ech Leederen vu Vapeur 70 an Heljan. De Sanctuaire gëtt vun 2 Scheinwerfere beliicht. De Lokomotiveschapp hunn ech no Fotoe gebaut. 2 Gleiser mam Paralellofstand vum Fleischmann System hunn ech als Ausgangspunkt benotzt

Als Längt hunn ech eng Damplokomotiv mat Tender gerechent. No deene Viraussetzungen goufen d'Wänn mat den Diren an de Fënsteren op Millimeterpapeier gezeechent. De Plang gouf esou ausgefouert, datt daat ganzt Gebai sech mat Pauspapeier op eng  Busch Plack 7203 iwwerdroe léisst. Fir d'Diren hunn ech Brieder an d'Busch 7203 Placken geritzt a  se mat Humbrol 62 ugestrach. Duerno hunn ech d'Fënsterstäng mat enger groer Mëschung an d'Wänn mat Humbrol 34 gefierft. Um Enn hunn ech  d'Fënsteren an d'Diren hannert d'Wänn vum Gebai gepecht.

D'Gebai gouf zesummegesaat. Di dënn Busch Placke goufen mat Evergreen 153 Profile verstäerkt. Fir den Daach collen ech Kibri Schieferplacken 7971 op giel Busch Placken 7203. D'Kibri Placke hunn ech virdrun mat enger Feil an der Spëtzt vum Daach a bei de Kulangen ugewénkelt. D'Kulange sinn Evergreen 241 Half Round Profilen. Ech hunn se op schmuel Sträifen vu giele Busch Placke geklieft. D'Oflossréier hunn ech  aus Drot vun 1 mm gebéit an se mat Sekonneläim fixéiert. Duerno hunn ech se mat Sëlwelack 56 vun Humbrol gefierft. Op enger ganz aler Foto hunn ech e Waassertuerm gesinn.

D'Dimensiounen hunn ech un de Schapp an un d' Brauerei missen upassen. Fir d'Aachtecker ze zeechnen hunn ech um Computer eng Autoform opgemaach. Ech hunn se op d'Moosse vum Tuerm formatéiert an dunn op Karton erausgedréckt. Eemol ausgeschnidden konnt ech se dunn op Plastiksplacken opzeechnen. Den Tuerm hunn ech wéi ewell  beschriwwe gebaut. Hie krut eng Leeder vu Ratio an eng Luucht 6442 vu Viessmann. Mat dem Computer hunn ech eng Jauge, Schelter a Plakater gezeechnet. Ech hunn se op wäiss Micro Application Folie erausgedréckt.

Niewend de Footballsterrain kënnt eng Buvette mat Keess an Toiletten. D'Gebai gouf, wéi schonns beschriwwen, gebastelt. Ech hunn eng Beliichtung mat LED installéiert. Den Daach kann een erofhuelen. Dann hunn ech eng 3 mm MDF Plack fir d'Strooss a fir d'Gradinen vum Terrain mat der Stéchsee geschnidden. Ech hunn och 2 Paarten, eng Resultatstafel, Hecken an Drotzonke fabrizéiert.
Op d'Landschaftsstrukturen aus Holz gouf Drotfilet vu Noch mat der Kliefpistoul gekollt.

Duerno koumen Gipssträifen drop. D'Fielse si gesammelt Schiefersteng. Ech hu mat Mastik alles fäerdeg modelléiert. Hannert der Brauerei gouf e Gelänner aus dem Schëffsmodellbau agebaut. D'Luuchte sinn aus 2 mm Messing H Profilen a Viessmann Deeler. D'Wisen hunn ech mat Heki Decovlieβ, Materialien vu Woodland, Busch a Wäissläim gemaach. D'Beem si vu Faller, Heki, Hünerbein Natur a Busch. D'Stroosse si mat Faller Farf ugestrach.

E Viessmann Soundmodul gouf mat engem Relais paralell zur Paart geschalt. An d'Fosse vun der Garage koum eng Schweessluucht vu Busch. Ënnert de Futtballsterrain hunn ech e programméierbare Soundbausteen vu WayinTop installéiert. Den Zonk beim Lokomotiveschapp ass vun Ndetail. D'Schëlter si selwer aus 0,3 mm Drot, 0,3mm Plasiksplacken an Decalle fabrizéiert. De Prellbock ass vu Weinert. Niewend dem Stompgleis fir op Baastneech hunn ech en Ubau fir entgleisten Zich fixéiert.

D'Brauerei krut e weidere Luedequai fir Camionen. D'Messingleederen aus dem Faller 222195 Kit goufe gebéit, gefierft an ugepecht. Hannert d'Garage hunn ech en Ënnerstand un d'Mauer fixéiert. An d'Näertrenger Stross goufe Schëlter an e Kilometersteen installéiert. De Futballsterrain bastelen ech aus Plastiksplacken a Messingsdeeler. D'Strecher goufen mam Plotter geschnidden. Eng Oxford Ambulanz mat Blénkluucht hunn ech bei Letitlight zu Rastatt bestallt a mat Decalen ëmdekoréiert.

Virun d'Brauerei koum e Faller Velosstänner. An d'Herpa Remorquen hunn ech N-train Säck gepecht. D'Eisebunns- a Stroosseschelter si selwer gemaach. D'Viessmann Andreaskräiz gouf liicht versenkt agebaut. D'Schaaschtechmettie si vu Noch. Fir op de Futtballsterrain hunnn ech Goaler aus Messingsdrot a Fänkfileten aus 1,5 mm Evergreen H-Profilen an Drotfilet fabrizéiert. Ronderem den Terrain koum en ëmgeännerten an ugestrachenen Zonk vun Aeronaut.

Ech hunn 2 Plexiglasplacken als Protektioun un de Rand vum Terrain ugeschrauft. D'Reklamenpanneauen goufen ugepecht. En Tableau, deen de Spillstand vum Match weist, hunn ech gebastelt an opgestallt. D'Brawa Scheinwerfer goufen duerch Evergreen Sträifen, Kestrel Leederen an Deeler aus 0,3 mm an 0,5 mm Drot ergänzt. 

Ech hu Beem vun Heki an Zonke vun Ndetail rodrëm de Futballsterrain agesat. En Haische fir de Waachhond bei der Garage koum derbäi. Fir de Wanter an der Biergstrooss hunn ech eng Sandkëscht an eng Schnéischepp aus Ndetail Deeler, Drot a Plastiksplacke gebastelt. Op de Fiels hannert der Brauerei goufen e Gelänner an e Photograph installéiert. Ech hunn den amerikanesche Poliziste vu Woodland d'Kapen ofgeschnidden, Evergreen Ronnprofilen opgepecht a mat Humbrol Faarf ugestrach.

Lo gehéiren si zur "Gendarmerie Grand-Ducale" a passe bei den emdekoreierten Oxford Land-Rover. Bei d'Buvette goufen e Gelänner an Dreckskiwwelen gepecht. Sanitäter vu Noch a Preiser këmmeren sech em eng Persoun déi eng Attaque kritt huet. D'Footballsupportere sinn aus de Woodland A2187 Streikposten entstanen. D'Autoe goufe mat Decallen verännert.

D'Futtballspiller si vu Noch a vun Tomytec. D'Nochspiller krute schwaarz Sträifen a wäiss a rout Nummeren. Et sinn Decale vu Microscale. Ech hunn 3 Figure vun Tomytec beim Bauch duerchgeschnidden. Si goufen ëm ongeféier 1,5 mm verkierzt, zesummegepecht an ugestrach. Lo passen si an der Gréisst besser bei déi aner Männercher. Dem Linieriichter hunn ech e Fändel aus gielem Stoff an aus Drot fabrizéiert.

Hannert dem Futtballsterrain goufe Beem vu Faller opgestallt. En Hiirt mat Schof an e Soundmodul hunn ech an de Bierg agebaut. E Bam mat enger Bänk koum niewend d'Strooss. Ënnert d'Camionssgarage hunn ech Baustäng mat Geräischer installéiert. Eng Camionsdépanneuse vun Artitec a Figure vu Woodland koumen an den Haff.

Op dem Segment mat der Gare hunn ech de Faller Quaikran mam Viessmann Waasserkran 5832 motoriséiert. Mat 0,3 mm Drot gouf dem Fallerkran säi Wénkel verännert, fir datt en d'Wagonen net beréiert. De Gidderschapp krut eng Beliichtung mat LED. Niewend dem Schapp hunn ech eng Camionswo aus Placken a Profile gebastelt. De Café gouf a Pavéesplacke vun Auhagen  ageluecht. Hie krut och eng Bannebeliichtung, nei Diren, Dëscher ,Still, Gelänneren an eng Bréifkëscht. Eng Viessmann Parklanter 6474 beliicht elo d'Terrasse.

De Sherman Tank gouf duerch en Artitec Modell ersat. D'Blumendëppen an d'Gedenkplack sinn aus Plastiksplacken a Läischten. D'Dalie si vu Busch. An den Haff vun der Schräinerei koum en ëmgeännerte Bockkran vun MKK. D'Fielse beim Tunnel sinn original Schieferstäng, déi mat Mastik fixéiert goufen. D'Weichenhiewelen, de Kilometersteen an den Telefon goufen aus Placken, Ronnnprofilen, Läischten an 0,3 mm Drot gebastelt. Si goufe mat Decalen a mat Humbrol Faarwen dekoréiert.

D'Miwwelgeschäft krut en neien Ustrach. D'Ariichtung besteet aus Deeler vu Modellbahn-Union, RailNscale a Faller. D'Tableaue si verklengert Fotoen. D'Beliichtung bannen ass vu Viessmann. D'Wandluuchten un de Gebaier am Haff si vu Modellbahn-Union. D'Lanter am Haff gouf  selwer gebastelt. Di 2 éischt Haiser an der Strooss kruten och eng Bannebeliichtung. Op d'Terrass iwwert der Garage koumen e Sonneprabeli vun Transmondia a Gaardestill an Dëscher vu Faller. D'Garegebai krut eng Bannebeliichtung an Ariichtung. Baussen hunn ech nei Fensteren, Schëlter an e Lavabo ubruecht.

Zebrasträifen an aner Stroossemarkéierungen goufe mat engem Silhouette Plotter geschnidden. D'Stroosseschëlter si vun Artitec. D'Camionswo krut eng Ariichtung. D'Eisebunnstafelen si mat Adobe Illustrator gezeechennt, op Decale gedrockt an op 0,25 mm Platicksplacken ubruecht. Ech hunn nei Prellbëck vun Auhagen agebaut. An der Mëtt vun der Barrière goufen Evergreen Läischten agepecht a mat Humbrol Faarwen ugestrach.

Ënnert dem Tunnel hunn ech 2 Kippschalteren a Lüsterklemme bäigemaach. Heimat gi Faller Stroosseluuchten 272220 a Viessmann LED Haiserluuchte geschalt. D'Relaise fir d'Häerzstécker vun de Weichen 13 a 14 hunn ech op eng Plack niewend dem Trafo montéiert. Den amoviblen Deel mam Park gouf mat Läischten no ënne verlängert. Eng MDF Plack fir 4 Schalteren an eng Läischt mat Lüsterklemmen konnten duerno installéiert ginn.

Eng Spärholzplack fir eng kleng Spillplaz hunn ech mat Schrauwe fixéiert.  En ëmgeännert Kannerkarussell vu Langley gëtt vun engem ONPIRA Motor TDY-12 mat 2,5 Ëmdréiunge pro Minutt ugedriwwen. Eng Viessmann H0 Klunsch hunn ech ëmgebaut an zum Deel versenkt agesat. Fir de Park mat der Spillplaz hunn ech eng öffentlech Toilette no der bekannter Method gebastelt. Virun der Villa goufen di al Luuchten duerch Beli-Beco Artikelen ersat.

Am Haff hunn ech an d'Trapemaueren 2 Parklantere vu Viessmann agebaut .  An d' Villa koumen 2 LED Luuchte vu Viessmann. Eng Paart erlaabt den Zougang aus dem Haff an de Park.  Der Gemeng hiirt d'Gaardegeschir ass am Niewegebai ënnergestalt. Iwwert d'Paart vun der Scheier hunn ech eng Wandluucht vu Modellbahn Union  montéiert. D'Luuchen an der Haaptstrooss goufen duerch Faller Artikelen mat LED ersat.  Ech hunn aus der Landschaft mat der Stëchsee 2 Rechtecker erausgeschnidden.

Fir d'Spillplaz hunn ech eng Rutschbunn, eng duebel Schaukel, eng Sandkëscht an eng Plattform fir Bänken a fir eng Poubelle gebastelt. Ech hunn Deeler vu Langley, Modellbahn Union, Evergreen a Faller verschafft. D'Figure si vu Noch a Merten. D'Poubelle sinn aus 2 mm Rouer an 0,45 mm Messingdrot.  Aus dem Viessmann Buer gouf mat Evergreen, Faller a Noch Elementer e Michel Rodange Renertbuer fabrizéiert. Decalen hunn ech entworf a gedréckt. Alles gouf mat Holzschrauwen a Rummen aus Holzläischten festgemaach. An de Park koum e selwer gemaachte Kiosk derbäi

D'Stroossechelter goufen am Adobe Illustrator nei entworf an als Decalen op 0,25 mm Evergreen Placken opbruecht. D'Staange sinn aus 0,5 mm Drot. Ech hunn 2 WayinTop Soundmoduler fir 4,5 V agebaut. Fir d'Spillplaz hunn ech e gratis Internet Download gelueden an op 6,7 MB mp3 am Sound Forge gekierzt. Fir de Buer gouf an engem noe Park Waassergeräisch opgeholl an op ongeféier 3 Minutten Dauer mp3 am Sound Forge beschafft. D'Kneppecher hunn ech virun di visuell Szenen agebaut. D'Baustäng kënnen ausgebaut an ëmprogramméiert ginn.

D'Kibri Buerg hunn ech ausgebaut. De Segment gouf mat Läischten a Spärholzplacken no uewe verlängert. Esou ass d'  Strooss op der Héicht vum Schlass. Dorënner koumen eng MDF Plack fir 3 Schalteren an eng Läischt mat Lüsterklemmen. Duerno hunn ech Noch Drotfilet mat der Kliefpistoul fixéiert. Op dëst gouf Gipsverband  geluegt. D'Schlass gëtt aus Deeler vu Busch, Evergreen, Kibri, Auhagen a Kestrel gebaut.

D'Viessmann Parklanteren 6474 hunn ech démontéiert, d'Messingrouer mat der Zaang ëm 90° gebéit an de Sockel gekierzt. Si ginn als Wandlanteren un d'Gebaier fixéiert. An den Hang vum Bierg goufen 3 Brawa 83013 Scheinwerferen installéiert a Faller Beem geplanzt. Ënnert d'Schlass hunn ech e weideren ONPIRA Motor TDY-12 fir d'Kiermesuergel agebaut. Dës gouf aus engem Lemke Unhänger, Plastiksplacken an Deeler vun Evergreen esouwéi Auhagen gebastelt.

Enger Schönwitz 01-03-06-09 LED hir Kabele ginn duerch e Messingsrouer ënnert den Haff geleet. D'Frontdekoratioun hunn ech am Adobe Illustrator entworf an op en Decal mat Laser gedrockt. Eng Figur vu Noch dréit op enger Messingschrauf vun 1 mm. E Soundmodul vu Noch suergt fir Musek. De Lautspriecher hunn ech ënnert dem Pëtz agebaut.

De Kibri Bausaz hunn ech ëmgebaut. Banne koumen 2 Metallstaange vun 8 mm an déi 6 Kabele fir de Stroum vum ganze Reseau. Wéinst der Déift vun dem Faller Car System  sénge Schaltelementer hunn ech d' Héicht vun de Stäipen an d'Déckt vun der Strooss missen duerch Tester ermëttelen. D'Niveauen vum Floss, der Strooss, der Bunn an der Steebrochsbunn konnt ech esou op 18, 58, 90 an 200 mm festleeën. Den Hang vum Bierg gëtt dorunner ugepasst. Den Tunnel hunn ech aus Reschtstécker no Virlag vun enger Foto gebaut.

Den Tunnel hunn ech aus Reschtstécker no Virlag vun enger Foto gebaut. Am Tunnel goufen d'Fleischmann Schinnen mat dënne Placken ënnerluegt, fir op d'Héicht vum Peco Code 55 Gleis op 3mm Kork ze kommen. Eclisse mat Kabelen solle fir Stroum suergen. Eng Ënnerfeirung fir e Feldwee, no emgem Virbild bei Béislek, hunn ech och gebaut. D'Maueren goufe  wéi ëmmer mat Humbrol Lackfaarwen ugestrach. Duerno hunn ech mat groer Plaka Waasserfaarf getuppt a geriwwen.

Ënnert d'Bréck hunn ech eng 0,25 mm Plastiksplack gepecht. Aus Späerholzstécker goufen Bierger, Häng, de Kanal an d'Wier fir d'Waassermille gebastelt. D'Peco Gleis an d'Korkbettung hunn ech mat Humbrol Lackfaarwen ugestrach. Mat Peco Metallasäz gëtt d'Gleis geluegt a mat waasserfestem Laim ugepecht. Peco PL-82 Eclisse mat Kabele suerge fir Stroum. Duereno hunn ech mat Heki 33103 geschottert.

Déi ënnerierdesch Kéierschläif vum FCS bauen ech op eng 12 mm Spärrholzplack, déi ee spéider no uewen eraushuele kann. Si gëtt mat 2 Mudddere festgemaacht. De Faller Trafo 180641 hunn ech vedéift agebaut. 2 elektrësch Faller Parkplazen 161674 gi mat 4 Busch Liichbarrièren 5720 an 2 Busch Elektronik Relaisen 5740 gesteiert. Iwwert d'Kéierschläif vum FCS bauen ech en amovible Bierg aus 6 mm Spärholzplacken.

D'Biergstrooss hëllt en Kéier a verschwënnt no enger géier Descente ënnert der Gare. Eng weider Faller Parkplaz 161674, gesteiert vu Busch Liichtbarrièren 5720 an engem Busch Elektronik Relais 5720 erlaabt et 2 Camionen ofwiésselnd fueren ze loossen. D'"Camionsstrooss" soll um Steebrochsegment erëmm visibel ginn a vun do bei de Concasseur féieren.

D'Peco Code 55 Flexgleis hunn ech dës Kéier no der Method vum Peco TV Film verluegt. Eng 3 mm Korkplack gouf mat Humbrol Lack gro ugestrach. D'Gleis hunn ech mat enger 36 Zoll Schabloun gebéit. Baussen an d'Schwellen hunn ech a regelméissegen Ofstän zwee 0,5 mm Lächer gebuert. Spur Z Neel goufe mat enger Zaang agedréckt. Un all Fexgleis hunn ech ënnert d'Schinnen 2 Kabele geléit. Peco PL-82 Eclisse suergen och nach fir Stroum.

De Gleisplang hunn ech erëm geännert. Eng Bouweich SL-E387F kënnt un den Ufank vum Gleisuschloss. Hannendrou bauen ech eng Y-Weich SL-E397F an. Ënnert der Plack verleeft d'FCS Camionsstrooss. Vir laanscht féiert d'FCS Paradestrooss. Den Drot hunn ech mat der Faller 161669 Rillefräs verluegt. D'Strooss ass aus 4 mm Pappelspäerholz.

Ënnert d'SL-E387F Weich gouf e Pl-10 Twin Microswitch Schalter gebaut. Un d'Weich hunn ech 6 Kabele geléit. Duerch 2 plastiks Eclisse gëtt d'Häerz vun der Weich isoléiert an duerch déi ugeléite Kabelen iwwert de PL-10 alimentéiert.

D'Landschaft gëtt vun enger Baachmündung bestëmmt. De Concasseur an d'Steebrochsbunn kommen op d'Nordufer vun der "Himmelsbaach". D'Kéierschläif vun der FCS Paradestrooss kritt  eng Faller 161674 Parkplaz esou datt um Enn 4 Autoe kënnen ofwiesselnd fueren. Ech krut 2 vun de 4 op Reserve kaafte Busch 5740 Elektronik Relaisen nët un d'Goen.

Doufir gëtt d'Faller Parkplaz vun 2 Reinhold Schmitz RLS-AC "Reflexionslichtschranken" an engem Viessmann Universal Relais 5551 gesteiert. Deen Auto, deen an d'Kéierschläif erafiert, schalt d'Parkplaz 161674 fräi an kuerz duerno erëm zou. Den Auto op der Parkplaz fiert lass. Den Auto hannendrun kënnt un d'Stoen.

Fir d'Verschwanne vum Faller Car System am Bierg ze verstoppen, hunn ech eng laang Stroossenënnerféirung gebraucht. Si gëtt vun enger imaginärer Eisebunnslinn, déi hei fréier ofgezweigt soll sinn, motivéiert. D'Streck op Huewel sollt awer 1946 erëm stëllgeluegt ginn. Dat zweet Tunnelportal ass nach ze gesinn. Dee fréiere Verlaf vum Gleis kann ee nach erkennen.

D'Steebrochsbunn ass um Busch H0f System opgebaut. Am 1/160 entsprécht dat ongeféier enger Meterspuerbunn. Si pendelt iwwer eng Opfaart aus Märklin Z Bréckendeeler, déi op Vollmer N Piliere leien, bis an de Concasseur an erëm zeréck. Iwwert eng Weich féiert d'Bunn op enger reng dekorativer Bréck no vir. Dëst ass geduecht fir d' Camionsstrooss vum Faller Car System  ze verstoppen.