 |
|||
| Zuchverkéier | |||
|
|
|
 |
|
|
|||
|
|
|||
|
|
|||
|
|
|||
|
|
|||
|
|
|||
 |
 |
||
 |
De Réseau ass analog geschalt. En Titan
Transformator 108 ass an der Wendel agebaut. Un deem ass den
Elektronikregeler 826 ugeschlooss fir d'Zich ze steieren. Och d'Weichen
an d'Entkuppler gi vum 108 versuergt. Ënnert der Gare ass nach e
Fleischmann Trafo 6705. Hannendru gouf e Viessmann Powermodul 5215
geklemmt. Esou gëtt de Wiesselstroum a Gläichstroum verwandelt.
Heimat gi Luuchten an aner Funktiounselementer versuergt. Et goufe
bis elo 21 Weichen vu Fleischmann an 2 vu Minitrix agebaut. All
Weichen hu Metallhäerzstecker an all Motore goufen ëmgedréit. Si
sinn op 2 Gleisbildschaltpulter u Fleischmann Schalteren 6900
geklemmt (D1). Ënnert der Gare an ënnert der Brauerei sinn
Ofstellgleiser fir 9 Zich. All Zuch huet säin eegent Gleis, dat
duerch eng Zeechnung markéiert ass.
|
||
| erëm erop | |||
 |
 |
||
 |
 |
||
| erëm erop | |||
|
Op der kuerzer Antenne ass ëmmer nëmmen een
Zuch ënnerwee. D'Stoppweich entsteet
duerch d'Eraushuele vun den Drotbrécken an dem Abau vu
Plastikséclissen ongeféier 25 cm hannert dem Häerzstéck (D2, D3).
Doduerch bleiwen d'Lokomotive stoen, wann d'Weich net richteg läit.
Bei ageschotterte Weichen hunn ech hannert dem Häerzstéck
nach eng Éclisse mat ugeléitenem Kabel agebaut. Esou ass et méiglech
et iwwert e Relais mat Stroum ze versuergen . Et ka virkommen, datt deen an de Weichen agebaute Schalter mat de Joeren oxidéiert oder datt d'Kontaktfiederen ofnotzen
(D4). Iwwerall um Réseau benotzen ech Ënnerbriecherschalteren fir d'Lokomotiven
op de gewielte Plazen unzehalen (D5).
|
 |
||
 |
 |
||
| erëm erop | |||
 |
 |
||
 |
D'Kéierschläif ass mat 4 Fleischmann Dioden
6950 geklemmt a mat 6 Plastikséclissen ënnerdeelt. Si ka nëmmen an
enger Richtung duerchfuer ginn. Ausserdeem bleiwen d'Zich stoen, bis
d'Polaritéit geännert gouf (D6). Och an de Stompgleise vun der
Ofstellgare goufen Dioden agebaut, fir datt d'Gefierer net an d'Pellbéck
stoussen (D7). Fir ze rangéieren, sinn 10 Herkat Entkuppler agebaut.
Si gi mat Momenttaster geschalt (D8). D'Zich fueren aus der
Terminusgare an d'Ofstellgare, wou se kënnen an der Kéierschläif
gedréit ginn. Wann all Segmenter fäerdeg sinn, kënnen d'Gefierer nach een
oder e puer Tir duerch de Krees dréinen.
|
||
| erëm erop | |||
 |
 |
||
 |
 |
||
| erëm erop | |||
|
Gudden elektresche Kontakt ass entscheedent fir de
Spillbetrib. Bei alle Lokomotiven hunn ech d'Rieder mat Pneuen
géint Metallrieder ersat. Regelméisseg gi se gebotzt. Och d'Schinnen an
d'Weichenhäerzstécker gi vun Hand no enger Betribspaus propper gemaach.
Een
original Fleischmann 833403, een original Minitrix 51202000, een ëmgebauten Minitrix
51202000 mat engem Duebelstecker um Daach, ee mat enger Duebelsteckdous ëmgebaute
Lux 9060 an een no System Jörger ëmgebaute Roco 25093 bilden e Botzzuch. Eemol am Mount
leeën ech e Kichekrepp mat Roboto spécial op eng laang riicht Schinn an drécken
d'Wagonen mat der Hand driwwer. Den Dreck vun de Rieder ass duerno um
Papeier.
|
 |
||
 |
 |
||
| erëm erop | |||
 |
 |
||
 |
De Réseau spillt um Enn vun de sechzeger Joeren. Am
Persouneverkéier ginn et Zich fir:
- Aarbechter déi op d'Schmelz musse fueren. - Beamten an Employéen, déi an d'Haaptstad wëllen. - Schüler déi an e noe Lycée mussen. - Leit déi Verbindung mat der Nordstreck (bis op Léck a weider) sichen. De Gidderverkéier transportéiert Stéckgidder, Holz, Kuelen, Baumaterialien, landwirtschaftlech Maschinnen, Dünger a Frëschprodukte fir Hotelen. D'Brauerei brauch Wagonen fir de Béier ze transportéiren. Fir d'Sudhaus gëtt Masout a fir d'Camionen Diesel iwwert d'Schinn geliwwert. En erfonntene Fuerplang (fir unzeklicken) bréngt grousse Spillspaass. |
||
| erëm erop | |||
 |
 |
||
 |
 |
||
| erëm erop | |||
|